დღევანდელი მონაცემებით, მკურნალობის ეტაპზე მყოფი 4 672 კოვიდინფიცირებულიდან 60 პაციენტის მდგომარეობა კრიტიკულია. ინფორმაცია ჟურნალისტებს თბილისის ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ მიაწოდა.

„4 672 პაციენტიდან 60 კრიტიკულია, აქედან 59 პაციენტი მართვითი სუნთქვის სხვადასხვა რეჟიმზე იმყოფება. მათგან ცხრა ინფიცირებული ოკუპირებული აფხაზეთიდან არის გადმოყვანილი“, – განაცხადა მარინა ენდელაემ.

ინფექციურ საავადმყოფოში ამ ეტაპზე სულ 42 კოვიდინფიცირებული მკურნალობს, რომელთაგან ექვსი პაციენტის მდგომარეობა მძიმედ ფასდება.

„ამჟამად, ინფექციურში 42 კოვიდინფიცირებული იმყოფება. კლინიკიდან გუშინ სამი პაციენტი გაეწერა, ასევე სამი დაემატა. მძიმე პაციენტების სიაში ექვსი ინფიცირებულია. არიან საყურადღებო პაციენტებიც. სტაციონარში მოთავსებული პაციენტების უმრავლესობის ჯანმრთელობის მდგომარეობა საშუალო სიმძიმის არის“, – აღნიშნა მარინა ენდელაძემ.