საქართველოს საგარეო საქმეთა მინისტრი მიხეილ ჯანელიძე გაერო-ს მუდმივ კოორდინატორსა და გაერო-ს განვითარების პროგრამის მუდმივ წარმომადგენელს, ნილს სკოტს და შვეიცარიის თანამშრომლობის ოფისის დირექტორს სამხრეთ კავკასიაში, ილივერ ბიურკის შეხვდა. შეხვედრას ასევე ესწრებოდნენ გაეროს განვითარების პროგრამის მუდმივი წარმომადგენლის მოადგილე, შომბი შარპი და საქართველოს მხრიდან საგარეო საქმეთა მინისტრის პირველი მოადგილე, დავით ზალკალიანი.

საგარეო საქმეთა მინისტრმა ხაზი გაუსვა საქართველოსა და გაერო-ს განვითარების პროგრამას შორის მჭიდრო თანამშრომლობას სხვადასხვა სფეროში.მხარეებმა სხვა საკითხებთან ერთად, ისაუბრეს საქათველოში მდგრადი განვითარების საკითხებზე, განიხილეს რეგიონული განვითარების და თანამშრომლობის საკითხები საერთაშორისო ვაჭრობის ხელშეწყობის მიზნით. შეხვედრაზე, მხარეებმა დაუდასტურეს ერთმანეთს აღნიშნული მიმართულებით აქტიური თანამშრომლობის მზადყოფნა.