ქუთაისის საკრებულოს დეპუტატს COVID-19 დაუდასტურდა
ქუთაისის საკრებულოს დეპუტატს კორონავირუსი აღმოაჩნდა.
ავტოქარხნის მაჟორიტარ დეპუტატ მერაბ კვიცარიძეს ცხელება გუშინ დაუფიქსირდა. ტესტირების შემდეგ კი დღეს, კორონავირუსი დაუდასტურდა.
ამ ეტაპზე მიმდინარეობს კონტაქტების დადგენა. გავრცელებული ინფორმაციით, მერაბ კვიცარიძე ბოლო დღეებში საკრებულოში არ დადიოდა.
ბოლო 24 საათში იმერეთში კორონავირუსით ინფიცირების 150 ახალი შემთხვევა გამოვლინდა.
