საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის, ამირან გამყრელიძის განცხადებით საქართველომ ნარინჯისფერიდან წითელ ზონაში გადაინაცვლა.

მისი თქმით, ვარაუდობენ, რომ პიკი ნოემბრის მეორე-მესამე კვირაში დადგება.

"მთლიანად ეპიდემიის პერიოდში, 26 თებერვლიდან მოყოლებული სექტემბრამდე მილიონ მოსახლეზე მაჩვენებელი კარგი გვაქვს და ერთ-ერთი საუკეთესო ჯერჯერობით. მაგრამ რაც ითვლება ბოლო ორი კვირის განმავლობაში ახალი შემთხვევების რაოდენობა 100 ათას მოსახლეზე, გვაქვს უკვე 26, ანუ ჩვენი შიდა შუქნიშნის მიხედვით გადავედით ნარინჯისფრიდან წითელ ზონაში. ამას გიდასტურებთ. მაგრამ მეორე კუმულატიური მაჩვენებელი რასაც ევროპის დაავადებათა კონტროლის ცენტრი ითვლის იქაც ავცილდით 300-ს , მაგრამ გვაქვს კარგი მაჩვენებელი ტესტირებაში. ნუ მივეცემით ნურც პანიკას და ნურც დამშვიდებას, შემთხვევების ზრდა იქნება და გაგრძელდება, პიკში შევალთ ნოემბრის მეორე-მესამე კვირაში," - განაცხადა ამირან გამყრელიძემ.

საქართველოში დღეს კორონავირუსით ინფიცირების 1 759 ახალი შემთხვევა გამოვლინდა.