ამერიკელმა ასტრონავტმა პრეზიდენტის არჩევნებზე ხმა კოსმოსიდან მისცა
ამერიკელმა ასტრონავატმა ქეით რუბინსმა, რომელიც საერთაშორისო კოსმოსურ სადგურზე იმყოფება, კოსმოსიდან აშშ-ის პრეზიდენტის არჩევნებზე ხმა მისცა. ამის შესახებ რუბინსი Twitter-ზე წერს.
„დღეს ხმა მივეცი“, - იუწყება რუბინსი. ის პოსტთან ერთად აქვეყნებს ფოტოს კაიუტის ფონზე, სადაც კიდია სახუმარო ტაბლო „კენჭისყრის კაბინა საერთაშორისო კოსმოსურ სადგურზე.
აშშ-ის საპრეზიდენტო არჩევნები 3 ნოემბერს იმართება. ვადამდელი კენჭისყრა რამდენიმე შტატში უკვე დაიწყო.
