საპარლამენტო უმრავლესობის ერთ-ერთი ლიდერი ზვიად კვაჭანტირაძე უმრავლესობის ლიდერი ხდება.ის დავით საგანელიძეს ჩაანაცვლებს. გავრცელებული ინფორმაცია დეპუტატმა ტელეკომპანია "რუსთავი-2"-თან საუბრისას დაუდასტურა.მისი თქმით, მის კანდიდატურას ირაკლი ღარიბაშვილი ამერიკიდან დაბრუნების შემდეგ პოლიტსაბჭოს სხდომაზე მმართველ გუნდს წარუდგენს.

„უნდა დაგიდასტუროთ, რომ პრემიერისგან მივიღე ასეთი შემოთავაზება და გუშინწინ საბოლოოდ შევთანხმდით, რომ ირაკლი ღარიბაშვილი წარადგენს ჩემს კანდიდატურას. მე, რა თქმა უნდა, დავთანხმდი. ჩემი კანდიდატურა პოლიტსაბჭოზე პრემიერის ამერიკიდან დაბრუნების შემდეგ დასახელდება. მე დიდი იმედი მაქვს, რომ თანაგუნდელებისგან სრულ მხარდაჭერას მოვიპოვებ,“ - აცხადებს ზვიად კვაჭანტირაძე.

 შეგახსენებთ,რომ დავით საგანელიძის შემცვლელზე მსჯელობა მას შემდეგ დაიწყო, რაც მოქმედი ლიდერი პრემიერმა საპარტნიორო ფონდის ხელმძღვანელად დაასახელა.