საქართველოს მესამე პრეზიდენტი მიხეილ სააკაშვილი სოციალურ ქსელში ვიდეომიმართვას ავრცელებს.

მიხეილ სააკაშვილი უცხოეთში აკრედიტირებულ საქართველოს ელჩებს მოუწოდებს, თქვან სიმართლე და "გაემიჯნონ ამ უბედურებას, რაც საქართველოში ხდება".

მისი თქმით, არჩევნების ასეთი მასშტაბური გაყალბება ბოლოს ზიმბაბვეში ახსენდება.

"მინდა მივმართო, უცხოეთში აკრედიტირებულ დიპლომატებს. თქვენ ნახეთ, რა მოხდა საქართველოში - ეჭვი აღარ ეპარება არავის, რომ არჩევნები ტოტალურად მოპარულია!

მაგალითად, ბათუმში არის გაყალბებული 70-80 %-ით, წყალტუბოში, ნანუკა ჟორჟოლიანი სადაც იყრიდა კენჭს გაყალბებულია 50-%-ზე დაახლოებით. ასეთი მასშტაბის მოპარვა, მე მახსენდება ბოლოს ზიმბამბვეში. თქვენ გინდათ, რომ ზიმბამბვეს და მუგაბეს წარმომადგენლები იყოთ უცხოეთში ?!

თქვენ ხართ ქართველები, თქვენ უნდა წარმოადგინოთ საქართველო... იმედია, ბევრი თქვენგანი იტყვის სიმართლეს და გაემიჯნება ამ უბედურებას! ივანიშვილს შანსი არ აქვს, რომ ასეთი გაყალბების მასშტაბზე მან შეინარჩუნოს ხელისუფლება - ივანიშვილი არის დ ა მ თ ა ვ რ ე ბ უ ლ ი!..

თითოეული თქვენგანის როლი შეიძლება იყოს ძალიან მნიშვნელოვანი, ამიტომ ახლა გიხმობთ, არა რომელიმე პოლიტიკური ძალა, არამედ სამშობლო!.. იმედი მაქვს თქვენი პროფესიონალიზმის, თქვენი პატრიოტიზმის, თქვენი სინდისიერების", - აცხადებს სააკაშვილი.
~