მსახიობი ლალი ბადურაშვილი თბილისის ცენტრში არსებული ველოსიპედის ძეგლის დაზიანებას აპირებს, ამის შესახებ ბადურაშვილმა ტელეკომპანია "იბერიასთან" ინტერვიუში გააკეთა.

მისი თქმით, ვერაფრით ეგუება იმას, რომ "სააკაშვილის მიერ დატოვებული ველოსიპედი ისევ თბილისის შუაგულშია წამოჭიმული. არაფერს ვამბობ იმ ორ მილზე, ავლაბრის აღმართზე ულამაზეს ხედს რომ ამახინჯებს".

ბადურაშვილის განცხადებით, მის მიერ ნათქვამ ფრაზას, რომ "სააკაშვილის საყვარელი ქანდაკები ჩაქუჩით დაჩეჩქვა" სურს, ბევრი მხარდამჭერი გამოუჩნდა. ბადურაშვილი ამბობს, რომ იმ შემთხვევაში თუ ხელისუფლება არ დაინტერესდება ამ ფაქტებით, ის მეგობრებთან ერთად მივა ველოსიპედის ძეგლთან და როგორც თავად ამბობს, რაღაც "სიანცეს" ჩაიდენს.