შეერთებული შტატების სახელმწიფო დეპარტამენტმა სახელმწიფო მდივან მაიკ პომპეოს საქართველოში ვიზიტისა და ხელისუფლების ოფიციალურ პირებთან შეხვედრის შესახებ განცხადება გაავრცელა.

სახელმწიფო დეპარტამენტის პრესსპიკერის მოადგილის, კეილ ბრაუნის განცხადებით, სახელმწიფო მდივანმა პომპეომ და პრემიერ-მინისტრმა გახარიამ თავისუფალი, სამართლიანი და გამჭვირვალე საპარლამენტო არჩევნების მნიშვნელობა და დამოუკიდებელი სასამართლო სისტემის მნიშვნელოვანი როლი დემოკრატიაში.

მდივანმა მოუწოდა საქართველოს გააგრძელოს აქტიური ზომების მიღება COVID-19- თან საბრძოლველად და კიბერუსაფრთხოების გაუმჯობესების მიზნით.

სახელმწიფო მდივანმა პომპეომ კიდევ ერთხელ დაადასტურა ამერიკის ურყევი მხარდაჭერა საქართველოს სუვერენიტეტისა და ტერიტორიული მთლიანობისადმი, რუსეთის ოკუპაციის პირობებში.

კეილ ბრაუნის ცნობით, მდივანმა პომპეომ და პრეზიდენტმა ზურაბიშვილმა ისაუბრეს აშშ-საქართველოს უსაფრთხოების სფეროში თანამშრომლობის მნიშვნელობაზე.
მდივანმა პომპეომ პრეზიდენტ ზურაბიშვილთან შეხვედრისას ხაზი გაუსვა თავისუფალი და სამართლიანი არჩევნების მნიშვნელობას და დამოუკიდებელი სასამართლო სისტემის განსაკუთრებუ როლს დემოკრატიულ სახელმწიფოში.

მდივანმა მადლობა გადაუხადა საქართველოს სომხეთსა და აზერბაიჯანს შორის კონფლიქტის მოგვარების პროცესში ეუთოს მინსკის ჯგუფის მხარდაჭერისთვის და კიდევ ერთხელ დაადასტურა აშშ-ის ურყევი მხარდაჭერა საქართველოს სუვერენიტეტისა და ტერიტორიული მთლიანობის მიმართ, რუსეთის ოკუპაციის პირობებში.

საქართველოში ვიზიტის ფარგლებში, შეერთებული შტატების სახელმწიფო მდივანი შეხვდა საქართველოს პრეზიდენტს სალომე ზურაბიშვილს, პრემიერ-მინისტრ გიორგი გახარიასა და საგარეო საქმეთა მინისტრს დავით ზალკალიანს.

მაიკ პომპეო ასევე შეხვდა საქართველოს კათოლიკოს-პატრიარქს ილია მეორესა და სამოქალაქო საზოგადოების წარმომადგენლებს.