ჩეხეთი COVID-19-ით გარდაცვალების მაჩვენებლით ევროკავშირის ქვეყნებს შორის პირველ ადგილზე დასახელდა. ინფორმაციას ქვეყნის ჯანდაცვის სამინისტრო ევროპის დაავადებათა პროფილაქტიკისა და კონტროლის ცენტრზე დაყრდნობით ავრცელებს (ECDC).

დათვლა მიმდინარეობდა 100 ათას მოსახლეზე გარდაცვლილთა რაოდენობის მიხედვით ბოლო 14 დღის განმავლობაში.

 „ჩეხეთმა ევროკავშირის ქვეყნებს შორის პირველ ადგილი დაიკავა ბოლო ერთ კვირაში დღე-ღამეში კორონავირუსით ინფიცირებულთა რაოდენობით. ამასთან, ECDC-ის მონაცემებით, ჩეხეთი ევროკავშირში ლიდერად რჩება ბოლო 14 დღის შედეგებით კორონავირუსით გარდაცვლილთა რაოდენობით - 100 ათას მოსახლეზე - 23,4 მაჩვენებლით“, - აცხადებენ ჩეხეთის ჯანდაცვის სამინისტროში.

მეორე ადგილზეა ბელგია - 22,1 მაჩვენებლით, მესამეზე ბულგარეთი - 17,2, მეოთხეზე პოლონეთი - 14,3, ხოლო მეხუთეზე  სლოვენია - 14,0 მაჩვენებლით.