21 იანვარს 10:00 საათზე, კლინიკა ,,მედალფა“ საბურთალოს რაიონის გამგეობასთან ერთად აფორმებს ურთიერთთანამშრომლობის მემორანდუმს.

მემორანდუმის თანახმად საბურთალოს რაიონის მოსახლეობა,  ვინც კლინიკა ,,მედალფაში“ საყოველთაო ჯანდაცვის მოსარგებლედ დარეგისტრირდება, გაეწევათ უსასყიდლოდ კლინიკაში ხელმისაწვდომი ნებისმიერი ექიმ–სპეციალისტის კონსულტაცია.

საყოველთაო ჯანდაცვის პროგრამის ფარგლებში პაციენტებს სხვადასხვა ბრძანების შესაბამისად ეკუთვნით ექიმების კონსულტაციები გასნხვავებული ხელმისაწვდომობით, უმეტესად თანადაფინანსებით. სწორედ ეს მემორანდუმი ითვალისწინებს იმას, რომ ,,მედალფას“ კლინიკაში დარეგისტრირებული საბურთალოს რაიონში მცხოვრები მოსახლეობა ექიმ–სპეციალისტების კონსულტაციებს მიიღებს უფასოდ.

თავის მხრივ, საბურთალოს რაიონის გამგეობა უზრუნველყოფს აღნიშნული პროექტის თაობაზე რაიონის მცხოვრებთა ინფორმირებას ამხანაგობების თავმჯდომარეებისა და საზოგადოებრივი საბჭოების დახმარებით.