ერმა და ბერმა უნდა დავივიწყოთ ყველაფერი, პირადი ამბიცია, ყველაფერი უნდა გავაკეთოთ, რომ ჩვენი ხალხი გადარჩეს, - ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის გენერალურმა დირექტორმა ლევან რატიანმა „ფორმულას“ ეთერში განაცხადა.

მისი თქმით, ძალიან დამთრგუნველია, როდესაც პაციენტი და მისი პატრონი ექიმს სთხოვს მიიღოს კლინიაკშ, და ის ვერ ეხმარება.

”ექიმი ვარ პირვლ რიგში. არ მაინტერესებს არავის პოლიტიკური შეხედულება, ჩემთვის მთავარი დევიზი იყო, რაც შეიძლება მეტი ადამიანისთვის გამეწია დახმატება.

ბოლო რამდენიმე დღეა ძალიან დავითრგუნე. როცა პაციენტი ან მისი პატრონი გიკავშირდება 112-ით და გთხოვს, რომ მიიღო პაციენტი და მას ვერ ეხმარები, ეს დამთრგუნველია ექიმისთვის...როდესაც მარტში ჩვენთან პანდემია დაიწყო, პირველი ინტერვიუს, დროს ვთქვი, რომ ეს დინამიური პროცესია და სამწუხაროდ, ისეთი სუნი ასდის ამ ვირუსის გავრცელებას სამყაროში, რომ დადგება მომენტი, ექიმობა ჰუმანიზმს დაკარგავს. ამის გამი ბევრმა გამაკრიტიკა. მაგრამ სამწუხაროდ, ეს ახდა. იმედია, ყველა გავერთიანდებით და გვექნება ერთიანი ლოზუნგი, რომ ყველა უნდა გადავრჩეთ.

ერმა და ბერმა უნდა დავივიწყოთ ყველაფერი, პირადი ამბიცია, ყველაფერი უნდა გავაკეთოთ, რომ ჩვენი ხალხი გადარჩეს. ამ ხალხს უნდა ვუშველოთ და მოვლა უნდა ვისწავლოთ ერთმანეთის. ხვალიდან იქნება, მთავრობა, პოზიცია იქნება, ოპოზიცია იქნება უნდა დასხდნენ ყველა ერთად და გადაწყვიტონ რა გააკეთოს ქვეყანამ, რომ რაც შეიძლება ნაკლები მსხვერპლი იყოს ამ ვირუსისგან. ერთმანეთის ქიშპში, წიწილაობაში ქვეყანა უფსკრულისკენ წავა, თუ გავერთიანდებით ყველა ერთად, დამერწმუნეთ რომ ქვეყანა გადარჩება“, - განაცხადა ლევან რატიანმა.