სომალის დედაქალაქში ტერატქების სერიას 20 ადამიანი ემსხვერპლა
სომალის დედაქალაქ მოგადიშოში რესტორნებზე თავდასხმების შედეგად სულ მცირე 20 ადამიანი დაიღუპა. ამის შესახებ ინფორმაციას ქვეყნის შინაგან საქმეთა სამინისტრო ავრცელებს.
უწყების ინფორმაციით, დაჭრილია კიდევ 20 ადამიანი.
ტერაქტზე პასუხისმგებლობა ისლამისტურმა დაჯგუფება ”აშ-შაბაბმა” აიღო. ქვეყნის ოფიციალურმა ხელისუფლებამ მომხდარს ბარბაროსობა უწოდა.
თავდასხმა მოგადიშოში რამდენიმე რესტორანსა და კაფეზე განხორციელდა. თვადაპირველად დანაღმული მანქანები აფეთქდა, შემდეგ კი ტერორისტებმა რესტორნებში მყოფ ადამიანებს ცეცხლი გაუხსნეს.
