გაერთიანებული სამეფოს გარდა COVID-19-ის ახალი შტამი ნიდერლანდებში, დანიასა და ავსტრალიაშიც აღმოჩნდა. ინფორმაციას ბი ბი სი ჯანდაცვის  მსოფლიო ორგანიზაციაზე დაყრდნობით ავრცელებს.

ბრიტანეთის ჯანდაცვის მინისტრმა მეთ ჰენკოკმა 14 დეკემბერს განაცხადა, რომ ქვეყანაში SARS-CoV-2-ის ახალი ვარიანტი აღმოაჩინეს. მისი განმარტებით, ახალი შტამი უფრო სწრაფად ვრცელდება, ვიდრე კორონავირუსული ინფექციის სხვა ვარიანტები. დიდი ბრიტანეთის მთავარი ექიმის კრის უიტისა და მედიცინის დარგში მთავრობის უფროსი მრჩევლის პატრიკ ველანსის თქმით, კორონავირუსის ახალი ტიპი 70 პროცენტით უფრო ადვილად ვრცელდება. ამის მიუხედავად, ჯერჯერობით არ არსებობს იმის საფუძველი, რომ SARS-CoV-2-ის ეს ვარიანტი უფრო საშიშია სიკვდილობის ან ჰოსპიტალიზაციის თვალსაზრისით. ასევე არ არსებობს მტკიცებულება, რომ ვაქცინაზე მას სხაგვარი რეაქცია ექნება.

ბი ბი სის ინფორმაციით, ნიდერლანდებში დეკემბრის დასაწყისში ინფიცირებულებებს ვირუსის ახალი მუტაცია აღმოაჩნდათ. ამის შემდეგ ხელისუფლებამ პირველ იანვრამდე აკრძალა დიდი ბრიტანეთიდან სამგზავრო რეისები. ნიდერლანდების გარდა ანალოგიური ნაბიჯი გადადგა კიდევ რამდენიმე ქვეყანამ, კერძოდ, ბელგიამ და იტალიამ. ავსტრიამ, საფრანგეთმა და შვედეთმა კი, შესაძლოა, მათ მაგალითს მიბაძონ.