მადრიდის მერიამ დიდთოვლობით გამოწვეული ზარალი  1,4 მლრდ ევროდ შეაფასა და ესპანეთის ხელისუფლებას ქალაქის უბედურების ზონად გამოცხადება სთხოვა. მადრიდის მერის ხოსე ლუის მარტინეს ალმეიდას თქმით, აუნაზღაურებელი ზიანი მიადგა ინფრასტრუქტურას, მერიის ქონებას, ასევე ხის ნარგავებს.

მან ხელისუფლებას მოუწოდა დედქალაქი რაც შეიძლება სწრაფად უბედურების ზონად გამოხადდეს. მერის თქმით, მადრიდში მოვიდა 1 250 ტონა თოვლი. „ქალაქის ცხოვრება შეწყდა. ეს იყო კატასტროფა. რომლის პროგნოზირებაც არ შეგვეძლო“, - თქვა მან. ალმეიდას თქმით, იმისათვის,რომ ადამიანები ნომალური ცხოვრების რიტმს დაუბრუნდნენ, გარკვეული დროა საჭირო.

ამ დროსათვის, ქალაქში გრძელდება ქუჩებისა და საავტომობილო გზების გაწმენდა. ნაწილობრივ აღდგა ტრანსპორტის მოძრაობა.

დიდთოვლობამ, რომელიც მადრიდს 1971 წლის შემდეგ არ ახსოვს, ესპანეთის დედაქალაქის პარალიზება გამოიწვია. სიტუაცია გაართულა ძლიერმა ყინვებმაც.  ამ დღეებში ქალქის ზოგიერთ რაიონში ტემპერატურა -13 გრადუსამდე დაეცა.