რუსეთი არ უნდა ერეოდეს ნატო-ში რომელიმე ქვეყნის გაწევრიანების პროცესებში - სტოლტენბერგი
ნატო-ს გენერალური მდივანი იენს სტოლტენბერგი აცხადებს, რომ რუსეთი არ უნდა ერეოდეს ჩრდილოატლანტიკურ ალიანსში რომელიმე ქვეყნის გაერთიანების პროცესებში, რადგან საუბარია სუვერენულ სახელმწიფოებზე და ეს ქვეყნები დემოკრატიული პროცედურების გავლის შემდეგ თავად იღებენ ნატო-ში გაწევრიანების გადაწყვეტილებას.
„ნატო-ში გაწევრიანების საკითხი ეხება უშუალოდ თავად კანდიდატ-ქვეყანას და ნატოს. რუსეთს არ აქვს უფლება ჩაერიოს პროცესში და დაბლოკოს ის“, - განაცხადა სტოლტენბერგმა პარიზის საერთაშორისო ურთიერთობების ინსტიტუტის ონლაინკონფერენციაზე.
