მადრიდში მძლავრი აფეთქება მოხდა - არიან დაღუპულები
სულ მცირე სამი ადამიანი დაიღუპა ესპანეთის დედაქალაქ მადრიდში მომხდარი ძლიერი აფეთქების შედეგად. ინფორმაციას სააგენტი EFE ავრცელებს.
ქალაქის მერმა ჯერჯერობით მხოლოდ ორი ადამიანის გარდაცვალების ფაქტი დაადასტურა. ვრცელდება ინფორმაცია 6 დაშავებულის შესახებაც.
დანგრეულია ტოლედოს ქუჩაზე მდებარე შენობის ოთხი სართული. შენობა ხანდაზმულთა თავშესაფრის გვერდით მდებარეობს, თავშესაფრის ბინადრები არ დაშავებულან.
აფეთქების ზუსტი მიზეზები უცნობია. Mundo წერს, რომ სავარაუდოდ გაზის გაჟონვა მოხდა. ადგილზე საგანგებო სიტუაციების სამსახურის წარმომადგენლები, მედიკოსები და პოლიციელები იმყოფებიან.
