შეერთებული შტატების ახალმა პირველმა ლედიმ ჯილ ბაიდენმა და არჩეულმა ვიცე პრეზიდენტმა კამალა ჰარისმა ინაუგურაციისათვის ახალგაზრდა ამერიკელი დიზაინერების სამოსი აირჩიეს. იუწყება CNN.

ინაუგურაციის დღეს პრეზიდენტის მეუღლის გარდა განსაკუთრებულ ყურადღებას იპყრობს ვიცე პრეზიდენტიც. ამ თანამდებობას პირველად დაიკავებს ქალი და ცხადია, რომ ტრადიციულად ყველა სვამდა შეკითხვას რას ჩაიცვამდა ის და როგორ წარდგებოდა ცერემონიაზე.

როგორც CNN იტყობინება, ჯილ ბაიდენმა შეარჩია ნიუ იორკელი დიზაინერის, ბრენდ  Markarian-ი დამაარსებლის, ალექსანდრა ონილის ტვიდის კოსტიუმი. ზღვის ტალღისფერ კაბას ფარავს იმავე ფერის პალტო. დღეისათვის ტრადიციული პირბადე კი მისი სამოსის შესაფერისია.

ვიცე-პრეზიდენტი კამალა ჰარისი გარდა იმისა, რომ პირველი ვიცე პრეზიდენტი ქალია, ის ასევე ამ პოსტზე პირველი აფროამერიკელია. მან ცერემონიისთვის არჩევანი გააკეთა ორი აფროამერიკელი დიზაინერის - კრისტოფერ ჯონ როჯერსისა და სერჯიო ჰადსონის სამოსზე. მას აცვია ღია იასამნისფერი ორეული - პალტო და კაბა. პირბადე კი შავი ფერისაა.

ჯო ბაიდენი და კამალა ჰარისის მეუღლე დაგ ემჰოფი შემოსილნი არიან ამერიკული ბრენდ Ralph Lauren-ის კოსტიუმებით.

ყოფილ პირველ ლედის მელანია ტრამპს თეთრი სახლის დატოვებისას Chanel-ის პიჯაკი და Dolce & Gabbana-ს შავი ქვედაბოლო ემოსა.