ცოტა ხნის წინ, "ქართული ოცნების" ოფისში პარტიის პოლიტიკური საბჭოს სხდომა დასრულდა.

სხდომაზე პოლიტიკურმა საბჭომ პარტიის სამდივნო აირჩია.

"ქართული ოცნების" გენერალური მდივანი კვლავ კახა კალაძე იქნება, აღმასრულებელი მდივანი კი მამუკა მდინარაძე. მანამდე ამ პოზიციას ირაკლი კობახიძე იკავებდა, თუმცა მისი პარტიის თავმჯდომარედ არჩევის შემდეგ, პოზიცია ვაკანტური გახდა.

საერთაშორისო მდივანი კახა კუჭავა, რეგიონალური მდივანი კი – დიმიტრი სამხარაძე იქნება.

პოლიტიკურმა საბჭომ პოლიტიკურ მდივნად კვლავ ირაკლი ღარიბაშვილი აირჩია.

მანამდე, 16 იანვარს "ქართული ოცნების" ყრილობამ პოლიტიკური საბჭოს განახლებული შემადგენლობა დაამტკიცა.

"ქართული ოცნების" პოლიტსაბჭოს ახალი წევრები არიან არიან: კახა კალაძე, ვასილ მაღლაფერიძე, გიორგი გახარია, არჩილ თალაკვაძე, მაია ცქიტიშვილი, გიორგი ვოლსკი, ირაკლი ღარიბაშვილი, თეა წულუკიანი, მამუკა მდინარაძე, კახაბერ კუჭავა, ვახტანგ გომელაური, ეკატერინე ტიკარაძე, ივანე მაჭავარიანი, მაკა ბოჭორიშვილი, შალვა პაპუაშვილი, მარიამ ქვრივიშვილი, ნიკოლოზ სამხარაძე, სოზარ სუბარი, დიმიტრი სამხარაძე და თორნიკე რიჟვაძე.