კარტოგრაფების საქმეზე დაკავებულმა ივერი მელაშვილმა სასამართლო დარბაზის დატოვების შემდეგ განაცხადა, რომ არ ეთანხმებოდა გირაოს, რადგან არანაირი ბრალდება არ მიუღძვით - არც მას და არც ილიჩოვას.

"საზოგადოების და ჩემი ადვოკატების დამსახურებაა ის რომ პატიმრობიდან გაგვათავისუფლეს. იმედი გვაქვს რომ გავიმარჯვებთ...უბრალოდ დაკავების შანსიც არ არსებობდა, მაგრამ დამაპატიმრეს, ყველაფერს ველოდებოდი ახლაც. კარგია ის რომ გამოგვიშვეს. გირაოს საერთოდ არ ვეთანხმებოდი, მაგრამ არც ეგ არის პრობლემა. არ ვეთანხმებოდი გირაოს, იმიტომ რომ არავითარი ბრალეულობა არ მიგვიძღვის - არც მე და არც ნატალიას. თავიდან ბოლომდე აბსურდულია, უსაზიზღრესი ბრალდებაა. ნამდვილად პოლიტიკური ნიშნით არის ეს ყველაფერი. ბოლომდე არის საკითხი მისაყვანი. ამისთანა აბსურდულ ბრალდებებს ბოლო უნდა მოეღოს. არაფერი იქ არ არის, რაც ჩაწერეს ეს იყო ჩვეულებრივი სამუშაო შეხვედრა", - განაცხადა მელაშვილმა.

სასამართლომ მელაშვილი და ილიჩოვა 20-20 ათასლარიანი გირაოს სანაცვლოდ გაათავისუფლა.