შეზღუდვების შემსუბუქების მოთხოვნით მთავრობის ადმინისტრაციის შენობასთან საპროტესტო აქცია მიმდინარეობს.

მანამდე აქციის მონაწილეები პუშკინის სკვერში შეიკრიბნენ და მთავრობის ადმინისტრაციისკენ მსვლელობით გადაინაცვლეს.

საპროტესტო აქციას შეუერთდნენ ბიზნესის სხვადასხვა სფეროს წარმომადგენლები, სარესტორნო ბიზნესი, ზამთრის კურორტების წარმომადგენლები, ფიტნესცენტრების მეპატრონეები და სხვა.

როგორც ბიზნესის წარმომადგენლები აცხადებენ, თუ დროულად არ მოხდება დაწესებული შეზღუდვების შემსუბუქება, ბიზნესი გაკოტრდება და ვეღარ შეძლებს თავისა და მათთან დასაქმებული ადამიანების გადარჩებას.

აქციას ასევე უერთდება 200-მდე რესტორანი, რომელთაც პროტესტის ნიშნად, ერთი დღის მიტანის სერვისი შეწყვიტეს.

აქციის მონაწილეები ასევე მოთხოვენ, სასწავლო პროცესის საკლასო ოთახებში განახლებას, საბავშვო ბაღების გახსნას, კომენდანტის საათის გაუქმებას, საზოგადოებრივი და საქალაქთაშორისო ტრანსპორტის გახსნას, სახელოვნებო სივრცეების გახსნას.