ნამახვანში პოლიციამ აქციის მონაწილე დააკავა და საპროტესტო კარავი დაშალა
ნამახვანში აქციის მონაწილე დააკავეს. დაკავებას წინ სამართალდამცველების მიერ საპროტესტო კარვის დაშლა უძღოდა.
პოლიციელების თქმით, აქციის მონაწილე დაუმორჩილებლობის და სიტყვიერი შეურაცხყოფის გამო ადმინისტრაციული წესით დააკავეს.
ადგილობრივების თქმით, მათი პროტესტი აუცილებლად გაგრძელდება. სოფელ ჟონეთში აქციის მონაწილეებთან ერთად სამართალდამცველები ამ დრომდე რჩებიან.
3-თვიანი პაუზის შემდეგ, რიონის ხეობაში ნამახვანჰესის მშენებლობა დღეს, 30 იანვარს, გაგრძელდა, მიუხედავად იმისა, რომ 105 მეტრიანი კაშხლის აშენების წინააღმდეგ, ადგილზე 97-ე დღეა, უწყვეტი პროტესტი მიმდინარეობს.
ფოტო: მთავარი არხი
