მე ჩემს მოსაზრებას მოგახსენებთ, რომ ამ ეტაპზე უფრო პრიორიტეტულად მიმაჩნია ტრანსპორტის და შემდგომ სასწავლო დაწესებულებების გახსნა, აცხადებს დაავადებათა კონტროლის ეროვნული ცენტრის ხელმძღვანელი. ამირან გამყრელიძის თქმით, ამ ეტაპზე მნიშვნელოვანია, რომ დარჩენილ სამ დიდ ქალაქში საზოგადოებრივი ტრანსპორტის მუშაობა აღდგეს.

„თუ ჩვენ შევინარჩუნებთ ამ ტიპის ეპიდსიტუაციას, რაც ახლა უკვე მიღწეულია, ბოლო შვიდი და 14 დღის განმავლობაში, რაც ბათუმში გავაკეთეთ, რომ ამუშავდა საზოგადოებრივი ტრანსპორტი, ეს უნდა მოხდეს ახლა თბილისში, ქუთაისში, რუსთავში. შემდეგ გადავალთ კიდევ სხვა შეზღუდვის მოხსნაზე. ჩვენც გვიხარია, რომ ქვეყანაში ყველაფერი გახსნილი იყოს, მაგრამ ხაზს ვუსვამ, ეს უნდა იყოს ეტაპობრივად. მე ჩემს მოსაზრებას მოგახსენებთ, რომ ამ ეტაპზე უფრო პრიორიტეტულად მიმაჩნია ტრანსპორტის და შემდგომ სასწავლო დაწესებულებების გახსნა“, – განაცხადა გამყრელიძემ.