სკოლებში მოსწავლეებისთვის პირბადის ტარება, შესაძლოა, სავალდებულო გახდეს. ამის შესახებ "საზოგადოებრივი მაუწყებლის" ცნობით, განათლების მინისტრის მოადგილემ, ეკატერინე დგებუაძემ განაცხადა.

დგებუაძის თქმით, პირბადის ტარებასთან დაკავშირებით არსებობს ბრძანებით დამტკიცებული რეგულაცია, რომელიც შესაძლოა, გადაიხედოს.

"არსებული რეგულაციის ფარგლებში მოსწავლეებისთვის პირბადის ტარება სავალდებულო არაა, თუმცა ახლა განიხილება, პირბადის ტარებასთან დაკავშირებით ხომ არ შეიცვალოს რეგულაცია. სავარაუდოდ, ამასთან დაკავშირებით მომდევნო კვირაში ვიმსჯელებთ და ინფორმაციას მივაწვდით სკოლას, მშობელს და საზოგადოებას", – განაცხადა ეკატერინე დგებუაძემ.

სასწავლო პროცესი საკლასო ოთახებში 15 თებერვლიდან განახლდება.