საქმეებითაც ჩანს, რომ მეუფე შიოს აქვს რუსული აზროვნება. მას არცერთხელ არ დაუგმია რუსეთის ეკლესიის ქმედებები აფხაზეთსა და სამაჩაბლოში, პირიქით, ყოველთვის მოწიწებით ეგებებიან, - ამის შესახებ რელიგიის ექსპერტთა ასოციაციის თავმჯდომარემ ზვიად ცაბაძემ "დღის კურიერში" განაცხადა.

"ყველამ ვიცით, რომ მოსაყდრედ მეუფე შიოს გამოჩენას, წინ უძღვოდა საქართველოს საპატრიარქოში, რუსეთის ეკლესიის საგარეო ურთიერთობათა განყოფილების თავმჯდომარის მიტროპოლიტ ილარიონის ვიზიტი. ეს იყო ზაფხულში და რამდენიმე თვეში პატრიარქმა, ყველასგან მოულოდნელად დაასახელა ის მოსაყდრედ", - აღნიშნავს ცაბაძე.

ის ამბობს, რომ მიმდინარეობს შიოს გაპატრიარქებისათვის ბრძოლა, რომელსაც მხარს უჭერს რუსეთის ეკლესია.

"მოგეხსენებათ მეუფე შიო რუსეთში სწავლობდა, რუსეთში აქვს გატარებული ძალიან დიდი დრო, რუსული აზროვნება აქვს და ამიტომ ცდილობენ ისინი რუსეთის დახმარებას. რუსეთში განათლება არის ერთ-ერთი არგუმენტი იმისა, რომ თვითონ ჩვენ პატრიარქსაც რუსეთში აქვს მიღებული განათლება და მის მიმართაც არის სამართლიანი ბრალდებები.

საქმეებითაც ჩანს, რომ მეუფე შიოს აქვს რუსული აზროვნება. მას არცერთხელ არ დაუგმია რუსეთის ეკლესიის ქმედებები აფხაზეთსა და სამაჩაბლოში, პირიქით, ყოველთვის მოწიწებით ეგებებიან, იგივე გავრილოვი რომ ჩამოვიდა, მიღებაზე გახლდათ საპატრიარქოს პრეს-სპიკერი. პროტესტი არასდროს გამოუთქვამთ ჩვენს ოკუპირებულ ტერიტორიებზე რუსული ეკლესიის შემოჭრის გამო", - განაცხადა ცაბაძემ.