ალერგოლოგ-იმუნოლოგი ბიძინა კულუმბეგოვი მომხრეა, რომ კორონავირუსის პრევენციის მიზნით, პირბადის გამოყენება სკოლაში დაწყებით კლასებშიც მოხდეს - ამის შესახებ მან "დღის კურიერის" ეთერში ისაუბრა და ხაზი გაუსვა პირბადის ტარების პოპულარიზაციაში როგორც სკოლების, ასევე ცნობილი ადამიანების მონაწილეობის მნიშვნელობას:

"პირბადესთან მიმართებაში მე მაქვს ცალსახა პოზიცია, რომ ნებისმიერი სკოლის ასაკის მოსწავლე, რომელიც საქართველოშია და ეს არის 6 წელი და ზემოთ, ბევრი მუშაობა უნდა გავატაროთ იმისთვის, რომ მათ სწორად გამოიყენონ პირბადე. იმიტომ, რომ მათი უსაფრთხოებისთვის და უწყვეტი განათლების სისტემისთვის, აუცილებელია, ნებისმიერი ქვეყანა ცდილობს, გარდა ამ მექანიზმებისა, რომელიც არის დეზობარიერი, ტემპერატურის გაზომვა თუ ხელის დეზინფექცია, სკოლის გახსნის რეგულაცია იყოს ძალიან მოქნილი და მიზნობრივი. მე მომხრე ვარ, რომ დასაწყისი კლასებიდანვე იყოს პირბადის ტარება ჩვენს სკოლებში”, - განაცხადა ბიძინა კულუმბეგოვმა.