გირჩი - მეტი თავისუფლების ლიდერი, ზურაბ ჯაფარიძე, რომელმაც ბარი JAPARASTAN გახნა, შრომის ინსპექციამ 2 000 ლარით დააჯარიმა.

"განხორციელდა და დადასტურდა არანებართული ეკონომიკური საქმიანობა. იქნა შესაბამისი სანქცია გამოყენებული და ფიზიკური პირი დაჯარიმდა 2 000 ლარის ოდენობით". - განაცხადა შრომის ინსპექციის სამსახურის წარმომადგენელმა.

მისივე თქმით, განმეორებითი შემთხვევა სისხლისსამართლებრივ პასუხისმგებლობას ითვალისწინებს. ზურაბ ჯაფარიძე ამბობს, რომ ბარი არ დაიხურება და 14 თებერვალს, ბარში პარტიის ერთ-ერთი წევრი დაბადების დღეეს გადაიხდის.

"ბარი არ დაიხურება, მათ მოუწევთ მოსვლა და ნახვა, რომ მე მეორედ ვარღვევ კანონს. ხვალ აქ ჩვენი მეგობარი, ერთ-ერთი გირჩელი იხდის დაბადების დღეს. მათ მოუწევთ, რომ მიმართონ საქართველოს პარლამენტს, რომ გამიუქმონ მანდატი, ამის შემდეგ უნდა დამსაჯონ სისხლის სამართლის წესით". - თქვა ჯაფარიძემ.