ყველაზე მეტად მეიმედებოდა სამართლიანობის აღდგენის კუთხით, ბიძინა ივანიშვილზე მეტად მეიმედებოდა ერთი ქალი, ერთი გოგო, რომელიც სტრასბურგის სასამართლოში მუშაობდა, განაცხადა პარტია მოქალაქეების ლიდერმა, ალეკო ელისაშვილმა პარლამენტის პლენარულ სხდომაზე.

ალეკო ელისაშვილის განმარტებით, იმ არხებზე, სადაც მუშაობდა, მაესტროზე და კავკასიაზე, ხოტბას ასხამდა თეა წულუკიანს, რომელმაც საბოლოოდ სამარცხვინო მართლმსაჯულება ჩამოაყალიბა.

"იმ ადამიანს ქართულმა ოცნებამ სწორედ იუსტიციის სამინისტრო ჩააბარა, ლათინურიდან თუ ვთარგმნით სამართლიანობის სამინისტრო. ყველაზე დიდხანს მინისტრად მან გაძლო და რა მივიღეთ? პოლიტიკური მართლმსაჯულება კი არა, სამარცხვინო მართლმსაჯულება, სამარცხვინო პროკურატურა, სამარცხვინო სასამართლო, რომლის შედეგებზეც ახლა ვმსჯელობთ", აცხადებს ელისაშვილი.