ნაციონალური მოძრაობის ოფისთან პოლიცია მივიდა. სამართალდამცველები შენობაში შესვლას ცდილობენ, თუმცა იქ შეკრებილები მათ შესვლის უფლებას არ აძლევენ.

სამართალდაცმველების თქმით, მათ აქვთ სასამართლოს განჩინება და ისინი მისი აღსრულებისთვის მივიდნენ.

შსს-ს წარმომადგენელმა აღნიშნა, რომ პოლიციისთვის ხელის შეშლა კანონის დარღვევაა და ყველას მიმართ, ვინც კანობს დაარღვევს, გამოყენებული იქნება კანონით გათვალისწინებული ღონისძიებები.

"გამომძიებლები მოვედით განჩინების აღსრულების მიზნით, რადგან ჩვენთვის ცნობილია, რომ ნიკა მელია იმყოფება ამ ოფისში, მაგრამ ხედავთ, რომ კარები ჩაგვიკეტეს და არ შეგვიშვეს", - განაცხადა მედიასთან ერთ-ერთმა პოლიციელმა.

ნიკა მელიას ადვოკატის დიმიტრი საძაგგლიშვილის მოთხოვნა, რომ განჩინება მისთვის გადაეცათ, პოლიციამ უგულებელყო.

"უშუალოდ ბრალდებულს უნდა ჩავაბაროთ განჩინება, თქვენ გადმოგეცემათ მისი თანდასწრებით", - უთხრეს შსს-ს წარმომადგენლებმა ნიკა მელიას ადვოკატს.