გახარიამ სწორი და დასაფასებელი გადაწყვეტილება მიიღო - ელენე ხოშტარია
გიორგი გახარიამ სწორი და დასაფასებელი გადაწყვეტილება მიიღო, - ასე აფასებს ოპოზიციონერი ელენე ხოშტარია პრემიერ-მინისტრის პოსტიდან გიორგი გახარიას გადადგომას.
გიორგი გახარიამ პრემიერ-მინისტრის პოსტი დატოვა. ამის მიზეზად მან ნიკა მელიას დაკავების ირგვლივ განვითარებული მოვლენები დაასახელა. გახარიამ აღნიშნა, რომ მისთვის მიუღებელია ნებისმიერი კანონიერი ღონისძიების აღსრულება საქართველოს მოქალაქეების ჯანმრთელობის, სიცოცხლისა თუ პოლიტიკური ესკალაციის რისკის ფასად.
პრემიერ-მინისტრის გადადგომის შემდეგ, შინაგან საქმეთა სამინისტრომ ნიკანორ მელიას საქმეზე დაგეგმილი ღონისძიება დროებით გადადო.
