როგორ შეიძლება, ავამუშაოთ კულტურული დიპლომატია? - ამ შეკთხვით მიმართა "ქართული ოცნების" წევრმა, ელისო ბოლქვაძემ საქართველოს პრემიერ-მინისტრობის კანდიდატს ირაკლი ღარიბაშვილს პარლამენტში ფრაქციის სხდომაზე.

"გაქვთ თუ არა წარმოდგენილი, როგორ შეიძლება, ავამუშავოთ კულტურული დიპლომატია შემდეგ ეტაპზე, როცა თქვენ იქნებით პრემიერმინისტრი, გვაქვს თუ არა რესურსები ამისთვის?", - მიმართა ბოლქვაძემ ღარიბაშვილს.

ამასთან, ელისო ბოლქვაძემ აღნიშნა, რომ ირაკლი ღარიბაშვილი ეფექტური პრემიერ-მინისტრი იქნება.

"დარწმუნებული ვარ, რომ ირაკლი ღარიბაშვილის მოღვაწეობა ძალიან ეფექტიანი იქნება. მინდა, გამოვხატო ჩემი დიდი პატივისცემა მის მიმართ. ირაკლი ღარიბაშვილი სწორედ ის ადამიანია, რომელის პოლიტიკური პარტია "ქართული ოცნებისა" და მისი იდეოლოგიის ჩამოყალიბებაში უდიდესი როლი მიუძღვის. მივესალმები მის პრინციპულობას. მას ჩემი სრული მხარდაჭერა აქვს" - აღნიშნა ელისო ბოლქვაძემ.