საქართველოს ჟურნალისტური ეთიკის ქარტია ფორმულას წამყვან ვახო სანაიაზე თავდასხმის შეფასებისას აცხადებს, რომ მედიის მიმართ ხელისუფლების აგრესიული რიტორიკა უარყოფით გავლენას ახდენს ჟურნალისტების უსაფრთხოებაზე.

„ქარტია მოუწოდებს ხელისუფლებას, დაიცვას ჟურნალისტთა უსაფრთხოება.

ჟურნალისტური ეთიკის ქარტია არაერთხელ აცხადებდა, რომ მედიის მიმართ ხელისუფლების წარმომადგენლების აგრესიული რიტორიკა უარყოფითად აისახებოდა ჟურნალისტთა უსაფრთხოებაზე.

ქარტია მოუწოდებს ხელისუფლების წარმომადგენლებს, შეწყვიტონ საუბარი აზრის, სიტყვისა და გამოხატვის თავისუფლების შემზღუდავ ნორმებზე, მხარი დაუჭირონ მედიის თავისუფლებას და საკუთარი აგრესიული დამოკიდებულებით არ წაახალისონ მედიის წარმომადგენლებზე თავდასხმა", - ვკითხულობთ განცხადებაში.

ფორმულას წამყვანს, ვახო სანაიასა და მის ნათესავს თბილისში, წყნეთის ქუჩაზე თავს დაესხნენ. შსს-ს განცხადებით, ჯგუფურად ძალადობის ბრალდებით დააკავეს სამი პირი.