ლაგოდეხში ავტოსაგზაო შემთხვევას ერთი ადამიანი ემსხვერპლა
ლაგოდეხში ავტოსაგზაო შემთხვევის შედეგად შუახნის კაცი გარდაიცვალა.
არსებული ინფორმაციით, ლაგოდეხი-თბილისის ცენტრალურ გზაზე ერთმანეთს ოპელისა და მერსედესის მარკის ავტომობილები შეეჯახნენ. ავარიის, სავარაუდო მიზეზი სიჩქარის გადაჭარბება გახდა.
შემთხვევის დროს დაშავდა 4 ადამიანი. ისინი მრავლობითი დაზიანებებით სასწრაფო სამედიცინო დახმარების ჯგუფმა კლინიკაში გადაიყვანა.
შემთხვევის ადგილზე საგამოძიებო მოქმედებები მიმდინარეობს.
