შეხვედრა იყო კარგი ნაბიჯი ყველა პოლიტიკური აქტორისთვის, რომ მომდევნო რამდენიმე დღეში მიაღწიონ პროგრესს, - ამის შესახებ ევროპული საბჭოს პრეზიდენტმა შარლ მიშელმა პრეზიდენტის ადმინისტრაციაში ოპოზიციისა და ხელისუფლების წარმომადგენლებს შორის შეხვედრის შემდეგ განაცხადა.

მისი თქმით, ყველა საკითხი დღესვე ვერ გადაწყდება, მაგრამ გადაწყვეტილებები დიალოგის რეჟიმში უნდა მიიღონ.

"გვქონდა შესაძლებლობა რომ ერთმანეთისთვის მოგვესმინა. ორ კვირაში იქნება ასოცირების საბჭოს შეხვედრა ბრიუსელში, სადაც პროგრესზე უნდა ვისაუბროთ, რა პროგრესს მიაღწიეს აქ მხარეებმა, რა საკვირველია საქართველოს მოქალაქეების ინტერესების დაცვით", - ამბობს მიშელი.

ის აცხადებს, რომ ევროკავშირის აქვს სურვილი დიალოგს მხარდაჭერა გამოუცხადოს, რადგან სწორედ ის "გადაწყვეტს პოლიტიკურ კრიზისს".

"სასამართლოს დამოუკიდებლობა და საარჩევნო რეფორმა არის ყველა მოქალაქის ინტერესში. ასოცირების შეთანხმება საქართველოსა და ევროკავშირს შორის არის ინსტრუმენტი და ჩვენ მზად ვართ ჩართულობისთვის. აქტიურად ვართ ჩართული, იმისთვის რომ მოვისმინოთ სხვადასხვა პოზიციები. დღევანდელი შეხვედრა იყო კარგი ნაბიჯი დიალოგისკენ ყველა პოლიტიკური აქტორისთვის, რომ მომდევნო რამდენიმე დღეში მიაღწიონ პროგრესს.

პოზიციები განსხვავებულია, მაგრამ ჩვენ უნდა ვიმუშაოთ იმაზე, რომ პროგრესს მივაღწიოთ. სიტუაცია არის ძალიან რთული. ჩვენ უნდა ვიყოთ ინოვაციური, რომ ვიპოვოთ გამოსავალი.

პირველი მიზანი იყო დღეს ერთმანეთის მოსმენა, რომ დიალოგს მეტი სანდოობა ჰქონოდა. ეს საინტერესო ნაბიჯი იყო, რადგან ყველა ერთ მაგიდასთან დაჯდა. კონკრეტულ დეტალებზე მედიასთან ვერ ვისაუბრებ. ჩვენ როგორც ევროკავშირი მზად ვართ ვითამაშოთ როლი რომ დავუჭიროთ მხარი მცდელობას სხვადასხვა იდეების გადაწყვეტის ძიებაში", - განაცხადა შარლ მიშელმა.