მოლოდინი გვაქვს, მარტის ბოლოს ვაქცინაცია ქვეყანაში უნდა დაიწყოს. განაცხადა ჯანდაცვის მინისტრის მოადგილემ თამარ გაბუნიამ სამინისტროში გამართულ ბრიფინგზე.

"დღეს შედგა სატელეფონო კონსულტაცია "ფაიზერის" სათაო ოფისთან და "კოვაქსის" წარმომადგენელთან. "ფაიზერმა" კონკრეტული ინფორმაცია მოითხოვა იმ ცენტრებთან დაკავშირებით, სადაც მოხდება ვაქცინების გადატანა. დაზუსტდა დამატებითი პირობები "ფაიზერის" ვაქცინის მოწოდებისთვის. ჩვენ გვქონდა საშუალება, რომ დეტალურად გაგვევლო ყველა ეტაპი "ფაიზერის" ქვეყანაში შემოტანის. ცივი ჯაჭვის მოთხოვნები, ასევე კონკრეტული ინფორმაცია მოითხოვა "ფაიზერმა" იმ ცენტრებზე, სადაც მოხდება ვაქცინის გადატანა აეროპორტიდან და ვაქიცინაციის ადგილების შესახებ ინფორმაცია. ეს სამედიცინო დაწესებულებები დიდი ხანია, შერჩეულია და ეს ინფორმაცია გაიგზავნა "ფაიზერის" სათაო ოფისში საბოლოო დასტურისთვის",- თქვა გაბუნიამ და აღნიშნა, რომ წინასწარი ინფორმაციით, ვაქცინის მოწოდება მოხდება 22 მარტის კვირაში.

"მარტის ბოლომდე ვაქცინაციის პროგრამა "ფაიზერის" მიმართულებით დაიწყება", - თქვა გაბუნიამ და დასძინა, რომ სიახლეა "ასტრაზენეკას" ვაქცინის მოწოდებასთან დაკავშირებით.

"იუნისეფმა" "ასტრაზენეკასგან" დასტური უკვე მიიღო დოზების მოწოდებაზე. პირველი ნაწილი მარტის ბოლომდე ჩამოვა საქართველოში. მოლოდინი გაქვს, რომ ვაქცინაცია ქვეყანაში მარტის ბოლოდან უნდა დაიწყოს.

სამინისტროს "ფაიზერთან" მიმართებაში ხარვეზი არასოდეს ჰქონია და "ფაიზერს" არასოდეს მიუნიშნებია ამ ხარვეზის არსებობის შესახებ. საკითხი და დღევანდელი სატელეფონო ზარი შეეხებოდა დამატებითი პირობების დაზუსტება. "ფაიზერს" იმ დოზების ვაქცინა აქვს, რაც საქართველომ უნდა მიიღოს. მათთან ყველა ფორმალობა ამ ეტაპზე დასრულებულია. საუბარია, 29 250 დოზაზე, რაც თავიდანვე იყო დაანონსებული", - განაცხადა თამარ გაბუნიამ.