ახალციხეში ვაქცინის გაკეთების შემდეგ ექთანს ალერგიული შოკი განუვითარდა
დღეს, 18 მარტს ახალციხეში, კლინიკა „იმედში“ კორონავირუსის საწინააღმდეგო ვაქცინის გაკეთების შემდეგ ექთანი ცუდად გახდა. მას ალერგიული შოკი განუვითარდა. ინფორმაციას „სამხრეთის კარიბჭე“ ავრცელებს.
გამოცემის ცნობით, 30 წლამდე ქალის მდგომარება რთულია. ქალი რეანიმაციულ განყოფილებაში იმყოფება.
შემთხვევის შემდეგ ადგილი ჰქონდა დაპირისპირებას. ქალის ახლობლებმა სამედიცინო დაწესებულებაში შუშა ჩაამტვრიეს.
კლინიკის ტერიტორიაზე იმყოფებიან სამართალდამცავები.
