გოგი წულაიას აღკვეთის ღონისძიების სახით პატიმრობა შეეფარდა
თბილისის საქალაქო სასამართლომ გოგი წულაიას აღკვეთის ღონისძიების სახით პატიმრობა შეუფარდა.
დაცვის მხარე წულაიასთვის 5 ათას ლარიანი გირაოს შეფარდებას ითხოვდა.
მოსამართლე ზვიად შარაძის გადაწყვეტილებით სხდომა დაიხურა. თავად გოგი წულაია სხდომის დახურვის წინააღმდეგი იყო და აცხადებდა, რომ დასამალი არაფერი ჰქონდა.
წულაიას ბრალი სისხლის სამართლის კოდექსის 138-ე მუხლით წარუდგინეს, რაც სექსუალური ძალადობის მსგავს ქმედებას გულისხმობს. ბრალდება 4-დან 6 წლამდე პატიმრობას ითვალისწინებს.
