ეგეოსის ზღვაში 11 მიგრანტი დაიღუპა
ეგეოსის ზღვაში საბერძნეთის სანაპიროსთან მიგრანტების ნავის ჩაძირვისას 11 ადამიანი დაიღუპა. ამის შესახებ ინფორმაციას Associated Press-ი ავრცელებს.
ტრაგედიის გარემოებები ჯერჯერობით უცნობია. საბერძნეთის სანაპირო დაცვის წარმომადგენელთა ცნობით, მხოლოდ 10 ადამიანის გადარჩენა მოხერხდა.
დაღუპულთა შორის შვიდი ბავშვი, სამი მამაკაცი და ერთი ქალია. ეს ბოლო ორი დღის განმავლობაში ეგეოსის ზღვაში მიგრანტების დაღუპვის უკვე მეორე შემთხვევაა. გუშინ მაშველებმა შვიდი მიგრანტის ცხედარი იპოვეს, რომელთაგენ ერთი მცირეწლოვანი იყო.
