ახმეტაში ავარიის დროს 4 მოზარდი დაშავდა
ახმეტის მუნიციპალიტეტის სოფელ კოღოთოში ავარიის დროს 4 მოზარდი დაშავდა. ერთმანეთს ორი მსუბუქი ავტომანქანა შეეჯახა.
შედეგად სხეულის მრავლობითი დაზიანებები მიიღო ხუთმა მგზავრმა, მათ შორის ოთხი არასრულწლოვანია.
დაშავებულები თელავის საავადმყოფოში მოათავსეს. შემთხვევის ადგილზე მობილიზებულია პოლიცია და მიმდინარეობს საგამოძიებო მოქმედებები.
