"26 აპრილს იქნება იმუნიზაციის საბჭო, რომელიც განიხილავს ჩინური ვაქცინის, "სინოფარმის" დაწყებასთან დაკავშირებულ საკითხს", - განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

მისი განმარტებით "სინოფრამით" 18 წელს ზემოთ, გარკვეული ჯგუფის ადამიანების ვაქცინაცია მოხდება.

"18 წელზე ზემოთ დავიწყებთ მას, მაგრამ შესაძლებელია გარკვეულ ჯგუფებში. მაგალითად, მასწავლებლები, ბაღის აღმზრდელები, პოლიცია, იუსტიციის სახლებში, "ფრონტ-ოფისებში" მყოფი ადამიანები და ა.შ. დამუშავებული გვაქვს წინადადებები, რომელსაც მოვახსენებთ საბჭოს და საბჭო მიიღებს გადაწყვეტილებას", - აცხადებს გამყრელიძე.