საფრანგეთის პრემიერ მინისტრმა ჟან კასტეკსმა რამბუიეს კომუნაში (ივლინის დეპარტამენტი) პოლიციის თანამშრომელზე თავდასხმას ტერორისტული აქტი უწოდა.

„ივლინის დეპარტამენტი კვალვ გახდა ტერორისტული თავდასხმის სამიზნე“, - განაცხადა ჟან კასტეკსმა, მკვლელობის ადგილზე ჩასვლის შემდეგ.

პრემიერმა გაიხსენა გასული წლის შემოდგომაზე კონფლან-სენტ-ონორინის კომუნაში მასწავლებლის მკვლელობისა და 2016 წელს ქალაქ მანიავილში მომხდარი ტერაქტის შესახებ. ორივე ტრაგედია ივლინის დეპარტამენტის ტერიტორიაზე მოხდა.

დღეს, მამაკაცი თავს დაესხა ქალ პოლიციელს. თავდამსხმელმა შეძახილით „ალაჰუ აკბარ“, სამართალდამცველს დანა რამდენჯერმე დაარტყა. დაკავებისას ტერორისტი დაიჭრა, რის შედეგადაც გარდაიცვალა. აღნიშნულია, რომ ის ტუნისის მოქალაქეა და საფრანგეთში 2009 წელს ჩავიდა.

საფრანგეთის პრემიერმა ემანუელ მაკრონმა მომხდარის შეფასებისას განაცხადა, რომ ქვეყანა ისლამურ ტერორიზმთან ბრძოლაში არ დანებდება.