6 700-ზე მეტმა მოქალაქემ გაიარა რეგისტრაცია სინოფარმზე, მოქლაქეების ასეთი აქტიურობა ძალიან სასიხარულოა, ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ განაცხადა. 

6 700-ზე მეტმა მოქალაქემ გაიარა რეგისტრაცია სინოფარმზე, მოქლაქეების ასეთი აქტიურობა ძალიან სასიხარულოა, ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ განაცხადა.

დღეს დილის მონაცემებით, 6 700-ზე მეტმა მოქალაქემ გაიარა რეგისტრაცია სინოფარმზე, ჯერჯერობით პორტალი გახსნილია 15 მაისამდე, ასე რომ ძალიან აქტიურად დაიწყო რეგისტრაცია ამ ვაქცინაზე, რაც ძალიან სასიხარულოა, რადგან მოქალაქეები ხვდებიან, როგორი მნიშვნელოვანია, ამ ეტაპზე ვაქცინაცია რაც შეიძლება მეტმა ადამიანმა ჩაიტაროს ქვეყანაში, განსაკუთრებით აქტიურია თბილისი, 4 500-მდე ადამიანია უკვე რეგისტრირებული.

რა თქმა უნდა, რეგისტრაცია გაფართოვდება და ძალიან დიდი იმედი გვაქვს, რომ ვაქცინაცია წარმატებით განვითარდება და წარმატებით ჩატარდება", - განაცხადა იმნაძემ.

ჩინური წარმოების Sinopharm-ის ვაქცინაზე რეგისტრაცია 27 აპრილის 20:00-დან დაიწყო 18-დან 60 წლამდე მოქალაქეებისთვის. ვაქცინაციის პროცესი 4 მაისიდან დაიწყება. სინოფარმს არ აქვს ჯანდაცვის მსოფლიო ორგანიზაციის, ევროპის წამლის სააგენტოს და FDA-ს ავტორიზაცია. ჯანმო  უახლოეს დღეებში გამოიტანს გადაწყვეტილებას, მისცემს თუ არა ავტორიზაციას Sinopharm-ს.