საქართველოს პარლამენტის 2016 წლის საგაზაფხულო სესია 2 თებერვალს, პარლამენტის ბიუროს სხდომით გაიხსნება, რომელიც თბილისში ჩატარდება. როგორც პარლამენტის მიერ გავრცელებულ ინფორმაციაშია აღნიშნული, საგაზაფხულო სესიის ფარგლებში პირველ პლენარულ სხდომაზე, 3 თებერვალს, ოთხშაბათს, 14:00 საათზე, ქ. ქუთაისში პარლამენტი მოისმენს საქართველოს პრეზიდენტის ყოველწლიურ მოხსენებას ქვეყნის მდგომარეობის უმნიშვლენოვანეს საკითხებზე, როგორც ეს გათვალისწინებულია საქართველოს კონსტიტუციით და პარლამენტის რეგლამენტით.

პარლამენტის სხდომაზე დასწრების უფლების და სურვილის მქონე თანამდებობის პირებისთვის საორგანიზაციო საკითხების მოგვარებას უზრუნველყოფს პარლამენტის აპარატი.