გუშინ საღამოს იმუნიზაციის პორტალზე სერიოზული ტექნიკური ხარვეზი იყო, რის გამოც კიდევ ერთხელ ბოდიშს ვუხდი საქართველოს მოსახლეობას, - თქვა დაავადევათა კონტროლის ცენტრის დირექტორმა, ამირან გამყრელიძემ.

"სამწუხაროდ, მოგეხსენებათ, გუშინ საღამოს იმუნიზაციის პორტალზე სერიოზული ტექნიკური ხარვეზი იყო, რის გამოც კიდევ ერთხელ ბოდიშს ვუხდი საქართველოს მოსახლეობას იმ სირთულეების გამო, რაც მათ შეექმნათ ვაქცინაციაზე მთელი ღამის განმავლობაში დარეგისტრირების პროცესში.

ტექნიკური სამუშაოები დილის 04:00 საათისთვის ნაწილობრივ გამოსწორდა, თუმცა ახლაც გარკვეული ხარვეზი არის და კიდევ ერთხელ ვუხდი ბოდიშს მოსახლეობას. ჩვენი IT სამსახური ინტენსიურად მუშაობს, რომ ყველა ეს ხარვეზი გამოსწორდეს და დაჯავშნის პროცესი შეუფერხებლად წარიმართოს", - განაცხადა გამყრელიძემ.

12 მაისის 20:00-დან დაიწყო რეგისტრაცია სინოფარმის მეორე დოზაზე . ასევე, გაიხსნა ასტრაზენეკა 45 წლის ზემოთ ასაკობრივი კატეგორიისთვის, თუმცა, მომხმარებლები რეგისტრაციას ტექნიკური ხარვეზის გამო ვერ ახერხებდნენ.