სხალთის მთავარეპისკოპოს სპირიდონის დღევანდელი ქადაგებისას გაკეთებული განცხადებები კვლავ სიძულვულის ენით იყო გამორჩეული. მან სახალხო დამცველის აპარატსა და ნინოწმინდის პანსიონში არსებულ ვითარებაზე ისაუბრა.

"შენ კაცი და ქალი ვერ გაგირჩევია ერთმანეთში. პიდარასტი და ვაჟკაცი კაცი ვერ გაგირჩევია ერთმანეთისგან და ერთ სიბრტყეზე აყენებ ჰომოსექსუალებს, კაცი საჯარო რეესტრში გაატარე, რომელმაც ოპერაცია გაიკეთა და ქალი გახდა და ჩაუწერე შიგნით და შენ ითხოვ უნდა შეგამოწმოო? ვინ უნდა შეამოწმო შე ბრმა, შე ყრუ, როგორ გითხრა ახლა შენ რა, რომელიც ელემენტარულ რამეს, კაცს და ქალს ვერ ასხვავებ ერთმანეთისგან. ვინ უნდა შეამოწმო შენ, შენი თავის ვერ გაგიგია, კაცი ხარ თუ ქალი ხარ ის ვერ გაგიგია და შენ ვინ უნდა შეამოწმო?!".- ამბობს მეუფე სპირიდონი და აღნიშნავს რომ სახალხო დამცველს შემოწმება "საზღვარგარეთელმა მეგობრებმა" დაავალეს.

მეუფე სპირიდონის თქმით, "სასაცილოა" რომ ნინოწმინდის ბავშვთა სახლს გაეროში უჩივლეს.

"სასაცილოა, სატირალი რომ არ იყოს, გაეროში უჩივლეს ნინოწმინდის ბავშვთა სახლს, რომელ გაეროში, რომლის გენერალურმა მდივანმა კონჩიტა გამოიყვანა, ამღერა და თქვა, ეს არის ჩვენი დემოკრატია, ამას უნდა მივბაძოთო. ტრანსგენდერ ქალს.. ლომჯარიას ჭკუაზე რომ ივლის ქართველი კაცი, ის დაიღუპება, კაცო, ხო?!".- ამბობს მეუფე სპირიდონი.

მთავარეპისკოპოსი, ნინოწმინდის პანსიონში ომბუდსმენის აპარატს არ უშვებს და ირწმუნება, რომ არასრულწლოვნები რთულ პირობებში არ იმყოფებიან.