დმანისში დაპირისპირებაში მონაწილეები ინციდენტის დროს დაკავებულების გათავისუფლებას მოითხოვენ
დმანისში, დაპირისპირებაში მონაწილე ადგილობრივი მოსახლეობის გარკვეული ჯგუფი პოლიციის შენობასთან მივიდა. ისინი ინციდენტის დროს დაკავებულების გათავისუფლებას მოითხოვენ.
არსებული ინფორმაციით, დმანისში დაპირისპირების შედეგად დაშავებულია 5-მდე პირი, რომელთა შორის ერთი სამართალდამცავია.
დმანისში მოქალაქეები ერთმანეთს ფიზიკურად დაუპირისპირდნენ. ადგილზე მობილიზებულები არიან საპოლიციო ძალები.
