ნიკა უკვე გამარჯვებულია. რეალურად, ვერ გატეხეს. არამხოლოდ ვერ გატეხეს, ციხის შიში საერთოდ გააქრო, - ამის შესახებ საქართველოს მესამე პეზიდენტმა მიხეილ სააკაშვილმა კიევშ, ნაციონალური მოძრაობის თავმჯდიმარესთან, ნიკა მელიასთან შეხვედრისას განაცადა.

"ჩემი აზრით, ნიკა უკვე გამარჯვებულია. რეალურად, ვერ გატეხეს. არამხოლოდ ვერ გატეხეს, ციხის შიში საერთოდ გააქრო, გააქრო შიში რეპრესიების, გააქრო შიში ზეწოლების, გააქრო შიში სხვადასხვა პირობითობების.

როცა ადამიანი ასეთ სტანდარტს ქმნის, მერე სხვები ვალდებული არიან, მიჰყვნენ ნიკა მელიაობას და მის სტანდარტს. ეს არის გარდამტეხი მომენტი. მისი ბოლო თვეების საქციელი განსაკუთრებით საქართველოს უახლეს ისტორიაში, ახალი ძალა მიეცა მთელ ჩვენს ხალხს, მე ამაში დარწმუნებული ვარ", - თქვა სააკაშვილმა.

ნიკა მელია თანაპარტიელებთან ერთად კიევში მიხეილ სააკაშვილთან შეხვედრებს მართავს.