გახარიასი ეშინიათ, ამაზე კითხვა არავის აქვს, - განაცხადა ყოფილი პრემიერ მინისტრის გუნდის წევრმა, პარლამენტარმა გიორგი ხოჯევანიშვილმა გიორგი გახარიას შესახებ ირაკლი ღარიბაშვილისა და ირაკლი კობახიძის დღევანდელ კომენტარის შეფასებისას.

ხოჯევანიშვილი ამბობს, რომ გახარია პოლიტიკურად მალე გააქტიურდება:

"მე მათ მოვუწოდებდი სიმშვიდით და ნერვიულობის გარეშე მიიღონ ის რეალობა, რაც ქართული საზოგადოების წინაშე იქნება გიორგი გახარიას პოლიტიკური აქტიურობის თვალსაზრისით და ამას ჩვენი საზოგადოება მალე შეაფასებს არჩევნებზე. ასეთ არასერიოზულ კინკლაობაში ჩვენ შესვლას არ ვაპირებთ. პირველი რიგში იმიტომ, რომ ეს არ არის საზოგადოების დაკვეთა. საზოგადოებას უნდა საქმის გაკეთება, ამაზე საუბარი და არა მსგავს კინკლაობაზე კომენტარების კეთება. ამ კინკლაობაში შეთრევას ცდილობენ იმიტომ, რომ საზოგადოება შეცდომაში შეიყვანონ და აქცენტი იყოს არა საქმის კეთებაზე, არამედ, აბსურდულ კინკლაობაზე პასუხების გაცემაზე. რა თქმა უნდა, გახარიასი ეშინიათ, ამაზე კითხვა არავის აქვს," - ამბობს ხოჯევანიშვილი

დღეს ირაკლი კობახიძემ განაცხადა, რომ გახარიამ ზურგში დანა დაარტყა საკუთარ გუნდს, ხოლო პრემიერი ღარიბაშვილმა თქვა, რომ სურს, გაიგოს რას აპირებს გახარია.