კლინიკებს შეუძლიათ, გასცენ ორჯერადად აცრის ცნობა, ეს კოვიდპასპორტის პირველი ეტაპია - იმნაძე
კლინიკებს შეუძლიათ ორჯერადად აცრის ცნობა გასცენ, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ განაცხადა.
მისი თქმით, ეს კოვიდპასპორტის პირველი ეტაპი იქნება.
"მგზავრობისთვის ან რაიმე სხვა მიზნებისთვის თუ გჭირდებათ ცნობა, რომ ხართ ორჯერადად აცრილი, ამცრელ დაწესებულებებს უკვე შეუძლიათ ამ ცნობის ამოღება. იქ, სადაც ვაქცინის მეორე დოზას გაიკეთებთ, როდესაც აცრას დაარეგისტრირებენ, შეუძლიათ, მოგცენ არა მარტო აცრების ბარათი, არამედ ორჯერადად აცრის ცნობა. ეს არის, ასე ვთქვათ, კოვიდპასპორტის პირველი ეტაპია", - თქვა იმნაძემ.
