9 ივნისს ირაკლი ოქრუაშვილის სასამართლო პროცესი ჩაინიშნა
9 ივნისს ირაკლი ოქრუაშვილის სასამართლო პროცესი ჩაინიშნა. ამის შესახებ გამარჯვებული საქართველოს ლიდერმა სოციალურ ქსელში დაწერა.
„კრუაზეტზე სეირნობა დიდხანს არ გაგიტკბეს და დროზე ჩამოდი, 9 ივნისს სასამართლო პროცესი ჩაგინიშნეთო. ერთხელ წყნარად ვერ წავედი საზღვარგარეთ ამათი გადამკიდე", - წერს პოლიტიკოსი.
ირაკლი ოქრუაშვილს ბუტა რობაქიძის საქმეზე სამსახურებრივი უფლებამოსილების ბოროტად გამოყენებას ედავებიან. ოქრუაშვილი მაშინ შს მინისტრი იყო. იმავე საქმეზე ბრალი აქვს წარდგენილი ზურაბ ადეიშვილსაც.
ოქრუაშვილის საქმის წარმოება თებერვალში განახლდა.
